Desde Conecta Ourense, iniciativa promovida pola Confederación Empresarial de Ourense en colaboración co IGAPE, temos o pracer de convidarlle á xornada informativa e de asesoramento técnico sobre as axudas á exportación Galicia Exporta Empresas, que se celebrará o vindeiro martes 20 de maio ás 10:30 horas, en formato híbrido, citural ou presencial na sede da CEO, con opción de manter reunións de asesoramento individualizado.
Nesta sesión contaremos coa participación da Área de Internacionalización do IGAPE, que presentará en detalle as principais novidades da convocatoria Galicia Exporta Empresas, cuxa publicación está prevista nos próximos días. Ademais, as empresas asistentes poderán recibir apoio personalizado para preparar e tramitar a súa solicitude.
📅 Data: Martes, 20 de maio de 2025
🕥 Hora: 10:30
📍 Lugar: Confederación Empresarial de Ourense
💻 Formato: Sesión híbrida, presencial ou videoconferencia, con posibilidade de asesoramento individual
🔗 Formulario de inscrición: https://forms.gle/YGBdswwKUcDFyEqx5
As axudas Galicia Exporta Empresas están dirixidas a pemes galegas e financian actuacións clave para impulsar a súa proxección internacional:
- Promoción internacional: Participación en feiras e eventos expositivos internacionais, misións comerciais directas e inversas para contactar con clientes e socios estratéxicos.
- Márketing e comunicación internacional: Accións para reforzar a imaxe e posicionamento da empresa en mercados exteriores.
- Prospección de mercados internacionais: Estudos de competencia, benchmarking funcional e análise de boas prácticas.
- Operatividade en mercados internacionais: Adaptación a normativas internacionais, homologación de produtos e outras iniciativas que favorezan a consolidación exterior.
- Dixitalización para a internacionalización: Uso de tecnoloxías dixitais para facilitar o acceso a mercados internacionais.
Para máis información ou calquera aclaración, non dubide en contactar connosco:
📞 Teléfono: 988 391 110
📧 Correo electrónico: [email protected]
Agardamos contar coa súa participación.