As empresas necesitan apostar pola innovación, non só para diferenciarse no mercado, senón para sobrevivir. Esta necesidade é aínda maior para as pemes, que sofren todos os días a incerteza do mercado, sobre o que case nunca poden influír.
A boa noticia é que a innovación non é unha cuestión de tamaño senón de actitude. De querer explorar oportunidades, atreverse a probar, sabendo que a innovación é risco. Así que calquera empresa, especialmente as pemes poden innovar.
A innovación é cuestión de actitude e metodoloxía.
A Confederación Empresarial de Ourense e a Xunta de Galicia, a través da Axencia Galega de Innovación (GAIN), ofrecen un ciclo de dous talleres de Xestión da innovación nas PEMES, no marco da iniciativa Conecta Ourense e en colaboración co GDR 10 Limia-Arnoia, onde os directivos das empresas poderán aprender como facer o seu primeiro plan para empezar a innovar e identificar as capacidades e recursos necesarios para montar un departamento de innovación.
Relator
Angel Alba Pérez – Fundador e CEO de Innolandia.es | Experto en xestión da innovación
Plan de Innovación nunha semana
Co obxectivo de deseñar un plan de innovación seguindo unha metodoloxía que permita aliñar a innovación cos obxectivos do negocio e podan empezar a traballar en proxectos de impacto. Os asistentes recibirán un manual que completarán durante o propio taller cos elementos básicos do plan e os recursos necesarios para poñelo en práctica.
Salón de plenos do Concello de Allariz
Martes 7 de novembro
16:30 horas
Inscricións: 
Construíndo o ADN Innovador
Co obxectivo de identificar as capacidades e procesos necesarias para innovar por unha persoa, un equipo e un departamento de innovación. Os participantes realizarán diferentes diagnósticos sobre o seu ADN innovador, as capacidades de innovar dos seus equipos e as actividades dun departamento, para identificar os roles e persoas necesarias.
Confederación Empresarial de Ourense
Praza das Damas, 1 Ourense
Mércores 8 de novembro
9:30 horas
Inscricións:
Os talleres están abertos ás empresas ourensáns cunha limitación de 20 prazas por taller. Para asistir aos talleres é necesario cubrir o formulario de inscrición na seguinte ligazón
A innovación está ao teu alcance.
Visita a web de GAIN e consulta a colección de Cadernos de Innovación coas ferramentas e técnicas de innovación.
