A iniciativa Conecta Ourense,impulsada pola Confederación Empresarial de Ourense e a Xunta de Galicia, a través do Instituto Galego de Promoción Económica (IGAPE) e a Axencia Galega de Innovación (GAIN), pon en marcha un novo programa sobre a PEGADA DE CARBONO. Alcances 1 e 2.
Comezará o próximo 24 de outubro, e grazas a el as empresas participantes serán capaces de obter, dunha forma práctica, os coñecementos necesarios que lles permitan o cálculo da pegada de carbono conforme ao alcance 1 e 2.
Este cálculo permite a calquera empresa ou organización ter coñecemento do impacto que a súa actividade xenera sobre o clima, para así emprender un camino de mellora e compromiso coa redución deste tipo de emisións.
Desenvolverase a través dunha sesión virtual, tres sesións presenciais e asistencia técnica durante todo o programa co obxectivo de identificar proxectos de redución de emisións de gases de efecto invernadoiro para optar a convocatorias públicas. As encargadas de guiar estes encontros son a directora de PFS Grupo e experta en pegada de carbono, Marta Sánchez, a consultora de PFS Grupo, Neide Dias e a encargada de desenvolvemento de negocio de PFS Grupo, Susana Sanjurjo.
🗓 24 de outubro: primeira sesión virtual 💻
🗓 30 de outubro: primeira sesión presencial sobre o cálculo da pegada 📍 Sede da CEO
🗓 6 de noviembre: segunda sesión presencial sobre o informe e o plan de mitigación 📍 Sede da CEO
🗓 27 de noviembre: rexistro da pegada de carbono 📍 Sede da CEO
O número de prazas é limitado, cun máximo de 6 empresas participantes.
A data límite de preinscricións remata o 18 de outubro!
